برنامج موعد مع صديق

ماشى مااااااااااااااشى
بتجاوبى بدون تردد ولا تفكير
شريرة أوى

السؤال قاتل وهو احنا اصلا بنحب ليه ويعنى حب؟ الرجاء الاجابه مع التعليل وشكرا يا بنوته

مع تحيات farao

الامبراطور فوكس farao

مش فاهمه سؤالك ياريت تعيده من غير ماتوقع حروف

أنا عن نفسى بشكر بنوتة على إجاباتها الجميلة دى
بجد نورتى البرنامج بإجاباتك الحلوة يا شيرين
وهسألك اخر سؤال
بس أهم حاجة تجاوبى بصراحة عليه
"هل كل إجاباتك دى انتى نفذتيها فى تجاربك الشخصية ولا دى مجرد إجابات منطقية للأسئلة؟"

انا برضه اللى شريره ولا بتاع الهاكرز tongue

اكيد طبعا مش كلها اجابات نفذتها
لان فى حاجات الواحد بيقولها ومش بيقدر ينفذها مع انه عارف ان الصح انه ينفذها

شكرا على صراحتك الحلوة دى يا شيرين
اللى فعلا بتمنى انها تكون فى كل الناس
أو حتى تكون فى الناس اللى بتعامل معاها
أرجوا انى مكونش دايقتك بأسألتى
وياريت الكل يستفاد من أجاباتك زى مانا استفادت منها أوى
شكرا يا شيرين
لو جه على بالى سؤال تانى هسأله ولو مسألتوش هتوقع الاجابة
لأنك كتاب مفتوح واللى يقراكى صح يفهمك يا شيرين
أرجو تقبل مرورى فى الموضوع الحلو ده

ميرسي اوى اوى ياعمرو على زوقك

وانا تحت امركم فى اى حاجه

اولاً انا بشكر جداًصاحبة فكرة هذا الموضوع ....

وللأسف يا بنوته أنا دخلت متأخره وبصراحه كنت هوجهلك كام سؤال كده بس بجد صعبتى عليه من كتر الأسئله اللى واجهتيها رغم انك واجهتيها بشجاعه وثقه فى الرد عشان كده كل اللى اقدر اعمله أنى أشجعك وسط كل الأسئله دى , وربنا معاكى cheers

انا الى بشكرك يا قمر على مشركتك الحلوة دة ويارب تكونى معانا علطول
وتقدرى تسالى شرين الى انتى عايزة امال احنا جيبناها هنا لية Laughing

ميرسي ليكى يامرام على التشجيع
اخيرا لاقيت حد واقف فى صفى

بس انا تحت امرك اسالى يعنى هيا جت عليكى وانتى كمان يانور ما سالتيش Laughing

لو قولت ليكى يا شرين انا محتاجة رد السوال دة اد
اية مش هتصدقى لو انت بيتحبى شخص اوى وحسة انة كل حياتك
والظروف بيتجبرك على انك لازم تسبية ياترا هتسبية ولة هتعيشية على
امل انكم لبعض فى يوم من الايام وانتى عارفة انة مش هيحصل؟
وفى نفس الوقت انتى عارفة انة ممكن يدمر لو سبتية زى ما انتى هتدمرى
لانكم بقيتم كيان واحد وفى نفس الوقت انت مش هتسبية علشان انسان تانى لا
علشان الظروف يا ترا هتعيشى انتى وهو على امل ولة لالالالالالا

برنامج موعد مع صديق - صفحة 2 Wedding_flower_bridal_bouquet_roses_5_e

طبعا انتى ضيفة غالية على قلوبنا كلنا يا شرين وتستاهلى اكتر من كدة بوكية الورد دة اهداء منى كا مشرفة قسم الحب ومن البرنامج ليكى يا احلى وردة فى بستان الحب واتمنا ليكى ديما تكونى منورنا بحضورك الرائع فى قسم الحب وموضيعك الجميلة
الى بيتمس اوتار القلب وتعزف اعزب الالحان

نور الحياة كتب:: لو قولت ليكى يا شرين انا محتاجة رد السوال دة اد
اية مش هتصدقى لو انت بيتحبى شخص اوى وحسة انة كل حياتك
والظروف بيتجبرك على انك لازم تسبية ياترا هتسبية ولة هتعيشية على
امل انكم لبعض فى يوم من الايام وانتى عارفة انة مش هيحصل؟
وفى نفس الوقت انتى عارفة انة ممكن يدمر لو سبتية زى ما انتى هتدمرى
لانكم بقيتم كيان واحد وفى نفس الوقت انت مش هتسبية علشان انسان تانى لا
علشان الظروف يا ترا هتعيشى انتى وهو على امل ولة لالالالالالا

لو فى امل حتى لو واحد فى الميه ان احنا نكون لبعض هخليني معاه بس هفهمه الوضع بالظبط

وان فى الاخر ممكن للاسف مش نكون لبعض

انما لو مافيش امل نهائي برضه هفهمه ان مفيش امل
بس بصراحه مش هقدر اتخلى عن حبي ليه ولا هقدر اسيبه هستنى لما هوا اللى ياخد الخطوه دي

بس دايما هفكره ان مفيش امل ان احنا نكون لبعض

وميرسي على احلى بوكيه ورد من اجمل بنت فى المنتدى

شكرا على ردودك الممتازه يا شرين
وشكرا على البرنامج الرائع نور
البرنامج مثبت
المفروض ده شغلك يا نور التثبيت والكلام ده
شرين اسبوعها خلص مين اللى الدور عليه يعد على الكرسى

بكل حب واحترام وشوق نستقبلك
ونفرش طريقك بالورد ونعطر حبر الكلمات بالمسك
والعنبر وننتظر الابداع مع نسمات الليل وسكونة لتصل
همسات قلمك الى قلوبنا وعقولنا وننتظر بوح قلمك فى
البرنامج معانا وبكل حب وشوق نستقبل اعز واغلى ضيف هو
Light Of The Life

كنت مستنيا اليوم دا من زمان اخيرا اتحقق

حالا هكون جاهزه بالاسئله

يا مفتريييييييييية ........ طبعا ما صدقتى
شكرا يا فداء على المقدمة الجميلة دى
وأنا مستعد ان شاء الله للأسئلة
وأنا بيهمنى

بس براحة عليا والنبى

شويه اسئله كده على الطاير

1:ايه اكبر فرحه حصلتلك فى حياتك؟وايه اكبر حزن؟؟
2:من انت؟
3:باقه ورد لمن تهديها؟
4:باقه شوك لمن تهديها؟
5:شخص لا ترفض له طلبا؟
6:ما هى التجربه التى تتمنى الا تكررها؟
7:وماهى التجربه التى تتمنى ان تكررها؟
8:من هو توام روحك؟
9:ما هو اكتر شئ تخشاه؟
10:ما الذي يشعرك باكبر قدر من الحرج؟
11:حمام زاجل استقرت على نافذتك تحمل رساله من مجهول من تتمنى ان يكون وماذا تتمنى ان يكون محتواها؟
12:جريمه تتمنى ارتكابها ولماذا؟
13:اسبر خطا الرتكبته فى حياتك؟ (دا الوحيد اللى مش اجباري)
14:قطعه فحم صغيره وجدار نظبف ماذا سترسم عليه وماذا ستكتب تحت الصوره؟
15:كلمه اخيره تود ان تقولها؟

كفايه عليك كده النهارده وللحديث بقيه

طبعا انا مش عارفة اقولك اية يا شرين على اسالتك
بس بيتهيالى انا متاكدة من اجابة سوال واحد فيهم
:جريمه تتمنى ارتكابها ولماذا؟
اكيد هيقولك هى انة يموتك ولية علشان الاسالة دة
وانا بصراحة فرحانة فية اوى هههههههههههههه
علشان الى عملة فيكى

حتى انتى يا فداء
جبتى القسوة دى منين
ماشى
بالعند فيكو هجاوب على كل الاسئلة

1:ايه اكبر فرحه حصلتلك فى حياتك؟وايه اكبر حزن؟؟

لما حبيت وحسيت ان حبيبتى بتحبنى أوى
وأكبر حزن لما عرفت أن العمر يومين ..يوم الفرح بيعدى فى ثانية ويوم الحزن بيعدى فى سنين

2:من انت؟

عمرو اللى فى المنتدى اللى انتوا متهيألى عرفتوه

3:باقه ورد لمن تهديها؟

إلى كل من رسم البسمة على قلبى قبل شفايفى

4:باقه شوك لمن تهديها؟

أهديه للأرض وادفنه تحتيها يمكن يطلع زهرة مكان ما إدفن
ولو مطلعش على الاقل مش هيأذى حد

:شخص لا ترفض له طلبا؟

من كنت اعلم أنى فى قلبه مثلما هو فى قلبى

6:ما هى التجربه التى تتمنى الا تكررها؟

انى احب واحدة بعد حبيبة قلبى

7:وماهى التجربه التى تتمنى ان تكررها؟

حبى لحبيبتى اتمنى تكرر كل يوم

8:من هو توام روحك؟

البحر...كبير ومليان خير وحب لكن فى ناس بترمى فيه حاجات وحشة وبيأذوه بيها
بس هو مش بيأذيهم بالرغم انه كبير
ولو حد غرق فيه بيبقى غصب عنه
بس انا عندى 3 جزر بس
جزيرة حبيبتى اللى دايما برسى عليها بالمد واروحلها ومهما حصل جزر بيبقى فى مد بعديه
والتانية اهلى وصحابى اللى فعلا بحبهم من قلبى وببقى فرحان وانا برسى عليهم لانى بحتاجلهم اوى
والتالتة باقى الدنيا واللى فيها ودى برسى عليها بالمد والجزر بيتأخر عشان بيبقى فى رياح وحشة بتضطرنى انى ابعد
وبرضو غصب عنى

9:ما هو اكتر شئ تخشاه؟

الكراهية

10:ما الذي يشعرك باكبر قدر من الحرج؟

لما عينى تدمع وحد يشوفنى ..أى حد

11:حمام زاجل استقرت على نافذتك تحمل رساله من مجهول من تتمنى ان يكون وماذا تتمنى ان يكون محتواها؟

أتمنى أن تكون حبيبتى
ومحتواها يكون بص من الشباك انا جيتلك وهفضل معاك

12:جريمه تتمنى ارتكابها ولماذا؟

طبعا معروووووووووفة أوى...بس مش هقول عليها عشان الأدلة
أصلها هتبقى جريمة كاملة Twisted Evil

13:اكبر خطا ارتكبته فى حياتك؟ (دا الوحيد اللى مش اجباري)

طيب ايه رأيك هجاوب عليه
انى دخلت المنتدى ده معلش يا هشام سيبنى اكلم بقى
وانى اشتغلت فى الشركة اللى انا فيها

14:قطعه فحم صغيره وجدار نظبف ماذا سترسم عليه وماذا ستكتب تحت الصوره؟

هرسم سما زارقة وعيون باينة منها
وهكتب تحتها نور الحياة

15:كلمه اخيره تود ان تقولها؟

هو لسة فى كلام تانى هقوله
على العموم احب اقول شكرا على أسئلتك معرفش جبتيهم منين
بس ماشى ...سهلة...مردودة فى الافراح
واحب اقول فى نهاية الحلقة
حسبى الله ونعم الوكيل

شكرا شكرا....والسلام عليكم ورحمة الله وبركاته

يلا يا عمرو انت اخويه بقى وأسألك براحتى انا ما صدقت بصراحه.........هههههههههههه

بس انا بردوا هكون طيبه فى أسئلتى........

ماهي اكلتك المفضلة ؟
ما احب الالوان اليك ؟
من اقرب الاعضاء الى عمرو؟
ماهو القسم الذي تفضله في المنتدى ؟
ما ذا تتمنى في المستقبل ؟
موقف طريف مر عليك او علقة ساخنة اكلتها و ما نسيتها خخخخ ؟ (أجبارى)
تجربه مرت عليك بالحياة واستفدت منها؟
سنه من اجمل الاعمار التي يمر بها الانسان !
ماالمميز في هذا العمر من وجهة نظرك ؟!
هل شخصيتك داخل المنتدي تطابق شخصيتك خارج المنتدي ؟
وشكراااااااااااً

انا بقا مش برحم وبصراحه مصدقت انى مرام دخلت البرنامج

1-ماذا تعرفى عن الحب؟

2- ما مواصفات فتى الاحلام؟

3-حبيبتى كام مره؟

4- كام موقف محرج مره عليكى وايه اهم؟

5-ماهو اكتر موقف محزن مره عليكى لدرجه البكاء ؟

كلهم اجبارى

مع تحيات الامبراطور القادم فوكس لاين

أهلا أهلا ......بزممممممممتك دى طيبة دى
ماشى وهجاوب برضو...مش بيهمنى

ماهي اكلتك المفضلة ؟
انا بحب كل انواع الاكل على فكرة
بس أكتر حاجة بحبها المكرونة سواء بالصلصة أو بشامل

ما احب الالوان اليك ؟
الأزرق

من اقرب الاعضاء الى عمرو؟
كلكوا والله قريبين منى اوى ودايما على بالى
بس أقرب واحدة أقرب واحدة أوى أوى "فداء"

ماهو القسم الذي تفضله في المنتدى ؟
كل الأقسام جامدة مش مجاملة والله
بس أهم قسم والمفضل أوى عندى "البرامج"

ما ذا تتمنى في المستقبل ؟
اتمنى انى افرح واحس بطعم الدنيا وأشوف السعادة بجد

موقف طريف مر عليك او علقة ساخنة اكلتها و ما نسيتها خخخخ ؟ (أجبارى)
موقف طريف:وانا فى ثانوى كان فى مدرس عربى شكله يضحك اول ما دخل انا ضحكت جالى وقالى بتضحك على ايه وقرب منى اوى راح واحد صاحبى من ورايا معاه ليزر وحط فيه شكل جمجمة ووجهه بين عين الاستاذ روحت ميت من الضحك أكتر وابصله وأضضضضضحك الفصل كله ضحك على ضحكى طبعا راح مودينى للمدير واتعملى جواب استدعاء...سألونى فى البيت ايه اللى حصل حكتلهم ماتو على نفسهم من الضحك..بابا جالى المدرسة أول ما شاف الاستاذ مسك نفسه بالعافية من الضحك وماصدق لما طلع برة وانا طلعت معاه قعد يضحك لحاد ما روحنا البيت
بجد موقف مش هيتنسى أبدا..
علقة ساخنة أكلتها:فى نادى عندنا اسمه نادى الوردة البيضاء .ده نادى قوات مسلحه..كان فى واحد قريبى ومراته وعياله عازمنى فيه .دخلت.وخرجت اجيب كارت شحن..لما رجعت رأيس الأمن قالى مفيش دخول بس برخامة اوى.قعدت اقوله انا معايا ناس جوه المهم زقنى جامد روحت عاطيله بونية ووقعته فى الارض ونزلت فيه ضرب..الأمن كله اتلم عليا واحد منهم عطانى شومة فى ضهرى والباقى قام بباقى الواجب..أتفرمت اليوم ده بجد

تجربه مرت عليك بالحياة واستفدت منها؟
تجربة حياتى كلها لحاد انهاردة كل حاجة حصلت استفدت منها كتير
وأنا مشكلتى انى بحلل أى حاجة تحصلى أو حصلت لأى حد وبراجع نفسى الف مرة قبل ماخد اى قرار ولو اخدته استحالة ارجع فيه أبدا لانى ببقى متأكد انه القرار الصح والأيام بتثبتلى انه صح
لكن تجربة معينة..مممم...اتعرفت على ظبات فى امن الدولة بيتاجرو فى السلاح والمخدرات وكانو عايزنى اشتغل معاهم وهيدونى شقة وعربية فلوس كتير أوى وكارنيه من امن الدولة فضلت مصاحبهم كتير وطبعا مشتغلتش فى حاجة بس فعلا استفدت اوى من الفترة اللى قضتها مع الناس دى وسبحان الله خلعت ازاى معرفش
حاجة من عند ربنا والله

سنه من اجمل الاعمار التي يمر بها الانسان !
أى سنة عدت وانا صغير

ماالمميز في هذا العمر من وجهة نظرك ؟!
لما كنت صغير مكنتش مش فاهم أى حاجة فى اى حاجة
بس لما كبيرت ووعيت ع النيا مفيش سنة عدت وكانت بالنسبالى حاجة حلوة يمكن بيحصل فيها حاجات حلوة بس مش بتستمر

هل شخصيتك داخل المنتدي تطابق شخصيتك خارج المنتدي ؟
لو غير كدة يبقى عندى انفصام فى الشخصية أو عقدة نقص
لكن انا فى منتدى يعنى حتى مفيش مواجهات
متهيألى بيبقى فى صراحة اكتر
هو حكاية الصراحة انا صريح اوى هنا وبرة
بس فى حاجات الواحد ميقدرش يكلم فيها مع حد برة
يمكن عشان هيحس ان اللى قدامة مش هيفهمه او يمكن لانه مش لاقى اى دافع اصلا يخليه يتكلم مع حد فى الحاجة دى
بس انتوا هنا قلوبكم مفتوحة وحسيت انكوا بتكلموا من قلوبكوا فى كل حاجة وانا حسيت معاكم بالأمان اللى محستش بيه برة عشان كدة اكلمت كتير وحاسس انى عايز اكلم أكتر

شكرا يا مرام على أسئلتك"أل طيبة أل" ربنا يخليكى لمصر
انا تعبت م الاجابات بس بجد ماقولتش غير الحق وربنا يشهد على كلامى

اللى هيسأل تانى يخف أيده شوية وبلاش الانتقام ده

الامبراطور فوكس لاين كتب:: انا بقا مش برحم وبصراحه مصدقت انى مرام دخلت البرنامج

1-ماذا تعرفى عن الحب؟

2- ما مواصفات فتى الاحلام؟

3-حبيبتى كام مره؟

4- كام موقف محرج مره عليكى وايه اهم؟

5-ماهو اكتر موقف محزن مره عليكى لدرجه البكاء ؟

كلهم اجبارى

مع تحيات الامبراطور القادم فوكس لاين

ههههههههههههه حظك وحش للأسف مش هتقدر تمسكنى بالأسئله دلوقت لأنى الاسبوع ده مخصص لعمرو وبس يا أستاذ أمبراطور
معلش مره تانى بقى... Twisted Evil

لكن عشان اكون صريحه أنا ما صدقت أنى اهرب من أسألتك