برنامج موعد مع صديق

خفيفة أوى يا فداء
حاسس انى وقعت فى كمين والله


ياترا بيتحبنى زى ما بحبك؟اجبارى
بحبك...دى أربع حروف ..مش عارف ليه بحس انها قليلة أوى ع اللى حاسة من نحيتك يا فداء
وطبعا بحبك أكتر منك بكتيييييييير

لو جة عليك يوم وحسيت انك وحيد هتفكر فمين ؟اجبارى
طول عمرى وانا حاسس انى وحيد مع ان ناس كتير حواليا بس محدش فاهمنى ولا حاسس بيا
لكن من يوم ما عرفتك ولا يوم حسيت انى وحيد
تقدرى تقولى بحس ان روحى فى مكان وانا فى مكان تانى

لو كانت مصلحتك فوق مصلحة اقرب صديق لك ماذا تفعل؟ولماذا؟ اجبارى
لو صديقى فعلا وأقرب صديق ليا..ساعتها هو هيكون كل مصلحتى
وتغووووور أى مصلحة قصاد الصديق اللى بحلم انى الاقيه فى يوم

فات من امامك بينت على البحر شبة ياسمين عبد العزيز وزى القمر وانت لوحدك ماذا تفعل؟ اجبارى
أولا انا مش بحب ياسمين عبد العزيز ولا بطيقها
بس لو عدت بنت زى القمر ممكن أبصلها لو فعلا حلوة بس عمرى ماهكلمها الا لو هى كلمتنى عشان متاخدش الم فى نفسها وده لأنى بحب الجمال
وده مش معناه انى هحبها
وبعدين أنا جاوبت على اساس ان الموضوع ده حصل كتير بس قبل ما اعرف فداء
لكن من يوم معرفتها والله ما بشوف اى واحدة حلوة حتى لو شوفت بقول لنفسى انت معاك اللى احلى منها

اكيد حبيت كتير مين الى قلبك مخفتش منها وسلمتها مفتاحة بدون تردد وبصراحة؟
كذا واحدة الصراحة بس تقريبا مكنتش بحبهم
كنت بتعلق بأى واحدة أحس من نحيتها بالأمان والحب
زى ماتقولى كدة ببقى متعشم انى هلاقى فيها اللى بدور عليه ونفسى فيه
بس اللى وثقت فيها أوى واحدة زمااان وهى خانت الثقة دى
وواحدة دلوقتى بس اللى زيها عمره ما يخون الثقة لانها ملاك مش بشر

ياريت أجاباتى متزعلش حد منى
ولا هى الصراحة بتزعل؟
أرجو اللى يسأل يخف أيده شوية عليا
لأن زى مانتوا شايفين كانى ما بصدق اشوف سؤال بقعد اجاوب فيه ساعه
عشان تعرفوا انى بجاوب بضمير بس
أرحمونى عشان أرحمكم والدنيا كدة ...يووووم ليك ويووووم عليك

1:ايه اكتر حاجه عجبتك فى فداء؟ ماتقولش كل حاجه انا عايزه حاجه واحده بس
2:لاى حد ممكن تلتمس العذر للى بتحبها؟
3:ايه اللى يخليك تفقد الثقه قى اللى حواليك؟
4:الى اى حد ممكن تستحمل اهانه انسان عزيز؟
5:بتقدم ايه الاول فى تعاملاتك الثقه ام عدم الثقه؟

أيه يا جدعان ده من اول يوم عملتوا فيا كدة أمال باقى الاسبوع هيحصل ايه
ربنا يستر
بصووو أنا معاكو للنهاية

1:ايه اكتر حاجه عجبتك فى فداء؟ ماتقولش كل حاجه انا عايزه حاجه واحده بس
مممممممممممم...صراحتها اللى مشوفتلهاش مثيل

2:لاى حد ممكن تلتمس العذر للى بتحبها؟
لأبعد الحدود الا انها تسيبنى أو تتخلى عنى

3:ايه اللى يخليك تفقد الثقه قى اللى حواليك؟
لما أحب من كل قلبى وأدى كل حاجة بدون مقابل والاقى النتيجة خيانة

4:الى اى حد ممكن تستحمل اهانه انسان عزيز؟
أولا مفيش شخص عزيز عليا ممكن يهينى ابدا مهما حصل
ولو عمل حاجة تزلعنى شتمنى مثلا زى ماما ضربنى بالالم قدام حد زى بابا مثلا
هتحمله أكيد بس دى مش بسميها اهانة
لكن لو حصلت الأهانة يبقى الشخص ده مكنش المفروض انه يكون عزيز عليا
بس فى حالتين اقدر اتحمل فيها اهانة شخص عزيز عليا
لو أعرف ان واصله معلومة غلط عنى وهو أكلم على الأساس ده
أو أنى اكون فعلا غلط وأنى استاهل الاهانة دى

5:بتقدم ايه الاول فى تعاملاتك الثقه ام عدم الثقه؟
دايما بقدم الثقة...وكل مرة اتخدع وأكل المقلب أقول انى هتعامل بسوء نية بعد كدة
وأقول زمان كانو يقولو المتهم برىء حتى تثبت إدانته.دلوقتى المتهم مذنب حتى يثبت العكس
وهو ده الصح والله
بس للأسف انا اللى بقول كدة وبرضو بتعامل بثقة وبسلامة نية
مرض بعيد عنكو

كنتم مع ضحية البرنامج
اللى بيعافر مع الزمن
عمرو باشا

تقلنا ايه احنا لسه عملنا حاجه

1:ايه اصعب موقف اتعرضتله فى حياتك؟
2:ايه الحلم اللى نفسك يتحقق مع صعوبه تحقيقه؟
3:احب الاعمال لقلبك؟
4:ناوى تبطل سجاير امتى؟ (اجباري اجباري اجباري)
5:ايه اكتر حاجه بتاثر فيك لما بتسمعها او تشوفها؟
6:ايه رد فعلك لما واحده تعتبرها اختك فجاه تلاقيها بتقولك انها بتحبك؟ (انا عارفه انى رخمه)بس مش مشكله
7:ايه الحاجه اللى مش عايز تفتكرها؟
8:ايه اشد موقف حسيبت انك اتظلمت فيه؟
9:ايه الصفات اللى مش عاجباك فى نفسك وفسك تتغير؟
10:مين اقرب واحد ليك ممكن يشوف دموعك؟
كفايه عليك كده النهارده
والله لطلع عينك ههههههههههههههههههههه

يسلام
لا هتجاوب مش بمزاجك

طيب هجاوب



1:ايه اصعب موقف اتعرضتله فى حياتك؟
الموقف اللى انا فيه ده...فى أصعب منه؟؟؟
على العموم فى مواقف كتير حصلت صعبة أوى ومش هقدر احدد انهى الأصعب
بس هقولكوا على موقف فيهم..
لما روحت امتحان التاريخ متاخر فى 3 ثانوى ومحدش رضا يدخلنى
قعدت احاول ولما فشلت فى المحاولات اتعاركت ولما اتعاركت دخلونى للامن
ومدير الأمن طلع جارى وعارفنى ويحبنى اوى كمان..راح مخلص المشكلة ودخلنى اللجنة وامتحنت
ساعات العراك بيجيب نتيجة...بس والله انا كنت محظوظ اوى اليوم ده

2:ايه الحلم اللى نفسك يتحقق مع صعوبه تحقيقه؟
انى انا وحبيبتى نعيش مع بعض وييجى اليوم اللى نبقى فيه سوا
والدنيا كلها عارفة اننا سوا وملناش دعوة بحد وأعيش ليها وتعيش ليا

3:احب الاعمال لقلبك؟
الإنقاذ
احب انقذ اى حد من اى حاجة
سواء عربية هتخبطه او بيغرق فى البحر او فى حاجة هتحصله وحشة انا عارفها
ومش مهم يحصلى ايه طالما انا حابب انى اعمل كدة
ومش مهم هو هيعمل ايه مقابل ده لان المقابل انا اخدته فى انى فرحت لما عملت كدة

4:ناوى تبطل سجاير امتى؟ (اجباري اجباري اجباري)
مش عارف
الله أعلم

5:ايه اكتر حاجه بتاثر فيك لما بتسمعها او تشوفها؟
القرأن طبعا أول حاجة بتأثر فيا أوى
وخصوصا مواقف معينة وكمان لما يحصل حاجة واسمع بعدها قرأن الاقى فى اية بتكلم ع اللى حصل
بحس انها رسالة من ربنا ليا بتأثر أوى وممكن أعيط
غير كدة الرومنسية فى الأفلام مثلا لو الحبيب مات او الحبيبة ماتت
والظلم بكره الظلم أوى وممكن أنهار م العياط لو حسيت ان حد مظلوم
زى ما بعمل على الفسطينين والعراقيين والأطفال اللى بتموت والناس دى
بتخيل نفسى مكانهم وبحس بيهم بلاقى نفسى مقدرش اتخيل ده حتى

6:ايه رد فعلك لما واحده تعتبرها اختك فجاه تلاقيها بتقولك انها بتحبك؟ (انا عارفه انى رخمه)بس مش مشكله
ده شىء يفرحنى اوى انها حبتنى لانى فى نفس الوقت بحبها
بس لو تقصدى انها قالت انها بتحبنى على اساس اجوزها وانى حبيب قلبها وكدة
برضو هفرح ان اللى اعتبرتها اختى حبتنى وده معناه ان شعورها نحيتى اكبر من شعورى نحيتها
هى عمرها ما حصلت بس مش عارف الصراحة ساعتها هعمل ايه
لانى مش بعرف احرج حد بس هقولها اللى حاسه من نحيتها وهى تحاول تفهم بقى
وبعدين لو قالت كدة فى الوقت ده هقولها انى مرتبط وقلبى مع واحدة تانية

7:ايه الحاجه اللى مش عايز تفتكرها؟
سؤالك ده خلانى رجعت ذاكرتى للحاجات دى
انا فعلا فى حاجات مش عايز افتكرها ومنها حاجات نسيتها
بس افتكرت حاجة لما شوفت السؤال

واحد صحبى أوى وانا فى ثانوى وقع بين الرصيف والقطر وشوفت دمه وهو بيطرتش قدامى ومبصتش تانى ورايا
ولما القطر وقف نزلت من باب القطر ووقعت لان مفاصلى سابت فعلا
بس قمت تانى وروحت عنده لقيت ناس بتصوت والدنيا اتقلبت وانا عمال اقول يارب ده كابوس
يارب اصحى من النوم بس للاسف الدنيا قالتلى لا دى حقيقة
كان اسود يوم فى حياتى...الله يرحمه ويجعل مثواه الجنة يارب

8:ايه اشد موقف حسيبت انك اتظلمت فيه؟
بصو انا اتظلمت كتير وربنا يعلم انا اتحملت اد ايه
بس أشد موقف.مممممممم
انا عيبى انى بنسى بسرعة..وفى ناس بتقولى انها ميزة
....فى مرة وانا فى اعدادى بنت اتهمتنى انا وواحد صحبى اننا عاكسناها
وبنمشى وراها وهى مروحة ...كانت بتتبلى علينا والله لانها اصلا محدش يبصلها وعملت كدة بدافع الغيرة
ولما عملولنا تحقيق فى ناس شهدت ان الأوقات اللى هى قالت عليها دى كنا معاهم ومحصلش اللى بتقوله ده
وجت اعتزرتلنا فى الاخر وقالتلنا انها عملت كدة عشان شافت صحبى بيكلم واحدة هى مش بتحبها
يعنى فعلا بدافع الغيرة ...
بس ده موقف عادى يعنى حسيت انا وصحبى اننا اتظلمنا اوى لانهم كانو هيرفدونا بسببها
بس الحمد لله ربنا ستر
وبعدين انا بعتبرها عيلة صغيرة أو واحدة بتحب واحد ومغلوبة على أمرها مش عارفة تعمل ايه
مش عارف انا دايما بحسب الأمور كدة...طيبة دى ولا عباطة...مش عارف

9:ايه الصفات اللى مش عاجباك فى نفسك وفسك تتغير؟
الطيبة....وساعات بحس انى برمى نفسى ع الناس
مش بعرف اتقل كدة.
والعصبية...ممكن اتعصب من أقل حاجة..بس تكون حاجة تستاهل
بس المشكلة انى لما بتعصب مش بعرف مين اللى قدامى

10:مين اقرب واحد ليك ممكن يشوف دموعك؟
على فكرة كل اللى يشوفنى يقولى انت عينك فيها حزن
دايما انا كدة حتى ضحكتى مليانة دموع..اتعودت على كدة يمكن تأثير الزمن..واللى حصلى خلا مفيش طعم للحياة
يمكن عشان كدة دايما بحتاج حد معايا يبقى مصدر فرحتى
ويمكن عشان كدة بتبقى سعادتى فى سعادة اللى معايا مش فيا انا
بس اقرب واحد يقدر يحس لو فى حاجة وانا مخبيها
ماما وانا واخد منها الخاصية دى بحس باللى قدامى مهما خبى ومهما دارا

على فكرة انا فعلا تعبت
لأنى أفتكرت حاجات كتيييييييير ورجعت بالذاكرة لحاجات صعبة أوى

شكرا على الرخااااااااااااااااااااااااااااامة دى يا شيرين

وفى انتظار المزيد من الاسئلة

عمرى ما هستسلم

اجاباتك كلها مؤثره بجد ياعمرو وربنا يرحم صاحبك يارب
وشكلى كده هعلن الاستسلام
ولا اقولك هديلك هدنه لغايه ما حد يسالك عشان مش اكون انا بس اللى بسال
بس انتظرنىىىىىىىىىىىىىىىىىىىىىىى

يعنى أنا مصدقت انك جيت عشان تنصفنى
اتاريك جاى تكمل عليا
كدة يا هشااااااااااااااااااااام؟؟؟

أقولك على حاجة:....يعنى أنا جاوبت على الاعداء ومش هجاوب على الأصدقاء

ماشى هجاوب عليك بس خليك ريلاكس عليا عشان دورك جاى متنساش

1/ قصه حبك مع فداء جت ازاى
اتعرفت عليها فى شات مصراوى وكنا بنقول نكت
وبالرغم انها كانت بتقول نكت حلوة وساعات بايخة كنت بضحك برضو.هههههههههه.مش مجاملة والله بس هى كان دمها خفيف وأى نكته بتقولها كانت بتضحك بالرغم انى شكيت انها ولد وواحد شككنى اكتر..بس هى دخلتلى خاص واتعرفنا سوا وبرضو قولنا نكت
شوية واتعرفنا وهى حورتلى وقالت اسمها نور.مش مهم هعديهالها
والنت فصل عندها وانا لما لقيتها اختفت معرفش حصلى ايه
حسيت انى مش هشوفها تانى وانت فعلا اللحظات الحلوة مش بتدوم كتير ولقيت نفسى متعلق بيها اوى وكنت مستغرب اوى كدة
شوية لقتها دخلت.روحى ردت فيا تانى
اكلمنا تانى وبعد كدة قالتلى ممكن أيميلك؟ وانا استغربت ان هى اللى طلبته.ومع الوقت واللى حصل لحاد انهاردة ومع اللى هيحصل كل يوم
بيتثبتلى أننا اتعلقنا ببعض من اول يوم اكلمنا مع بعض.كفاية عليكوا لحاد كدة

2/ بامااااانه
لو لقيت انك ممكن تخسر الدنيا كلها علشان ترتبط بحب انته متقدرش تستغنى
عنه ماذا ستفعل (قول اقسم بالله العظيم ان اقول الحق)
هشام ..أكيد ساعتها هيكون الحب اللى مقدرش أستغنى عنه هو دنيتى
يبقى أكيد أى حاجة تانية مش مهمة عندى
لأنى لو خسرت الحب ده يبقى أكيد هخسر دنيتى لأن دنيتى هى الحب اللى مقدرش استغنى عنه
واللى يقف قصاد الحب ده يبقى مش عايز مصلحتى
واقسم بالله العظيم هو ده الحق

3/ لو جه فى يوم اتحطيت فى موقف بين اهلك وحبيبتك او مراتك
مين تصدقه اكتر
هصدق اللى هقتنع بيه.لأن حبيبتى او مراتى وأمى واختى بالنسبالى واحد..طبعا حبيبتى هى حياتى بس لو غلطانة تعرف غلطها وتتحاسب أو أسامحها.ولو ماما غلطانة تعرف غلطها وتتحاسب أو أسامحها
المهم انى مش بصدق حاجة غير لما أتأكد منها وخصوصا لو موضوع بين طرفين مهمين أوى زى كدة وموضوع حساس اوى زى ده

4/لو حبيت حد اوى من غير ما تشوفه هل تتمنى ان تراه ام لا
طبعا أتمنى انى أشوفه
نعم أتمنى أن أراه بشدة

5/لو ربنا كرمك بطفل ايه اول حاجه تعلمهالوه طبعا بعد شرب السجاير والحشيش هههه
اه ده السجاير والحشيش أساسى انت فاكر ايه يعنى والبودرة كمان انا هدخله السجن اللى باباه مدخلوهوش وشكله ابنى اللى هيدخلهولى"يا فرحتى بيه"
السجاير والحشيش دول يتشربوا فى الأفراح اللى فى حتت زى المطرية مثلا واخدلى بالك انت
أول حاجة هعلمهاله:الجراة وميخفش من حد
ويعمل اللى هو شايفه صح هخليه انا بس بالتعديل من غير سجاير ومن غير ماضى وحش
هحاول على اد ما أقدر اخليه يخلى أيامه كلها سعادة
ان شاء الله


شكرا على الأسئلة وياريت تكون اجاباتى رضتك ورضت الجميع

دايما اجاباتك مرضيه ياعمرو بس برضه مشوارك لسه طويل معايا

1:ايه اكتر حاجه ممكن تعجبك فى البنت واكتر حاجه ممكن تضايقك فيها؟
2:حبيت قبل كده كام مره؟ (اجباري)
3:اكتر حاجه بتحرجك؟
4:اكتر حاجه ضايقتك فى حياتك؟
5:اكتر حاجه بتعجبك فى نفسك واكتر حاجه بتكرها فى نفسك؟
6:الصفه اللى مش فيك وتتمنى تكون فيك؟
7:اكتر لون بتحبه؟
8:اصعب قرار فى حياتك؟
9:احلى فتره فى حياتك؟
10:ايه اللى نفسك تغيره فى الكون؟
11:متى يمضى الوقت دون ان تشعر به؟
12:هل تتلقى النقد بصدر رحب؟
13:نقد...لمن توجهه ولماذا؟
14:ما الذى يجعلك تنفجر غضبا؟
15:تعمل ايه لو طرح عليك سؤال ومش عارف تجاوب عليه وبرضه لازم تجاوب عليه؟
16:تعمل ايه لو مضطر تجرح انسان عزيز عليك او جرحته خلاص؟
17:لو حصلك موقف ولازم تختار بين كرامتك وسعاده انسان هتختار ايه؟
18:مين اللى تضحى بحياتك عشانه؟
19:؟؟؟؟؟؟؟
كفايه عليك كده

انا تحت امرك ياهشام من غير ماتوصينى بس عمرو ماغلطش فى دى
امال هما بيتشربو فين

يا شيريييين يا جننننن
أيوة أدييلووووووووو

أنا معاكى يا شيرى مهما حصل
أحزفى الأسئلة بقى

ولا أقولك.....
هجبر بخاطرك واجاوب

1:ايه اكتر حاجه ممكن تعجبك فى البنت واكتر حاجه ممكن تضايقك فيها؟
أكتر حاجة تعجبنى الذكاء
وأكتر حاجة تضايقنى الغباء والاصرار عليه
2:حبيت قبل كده كام مره؟ (اجباري)
مرة واحدة بس من زمان حصل بعديها ارتباط تانى بس كان متهيألى انه حب
ودلوقتى حبيت تانى وحبيت أوى

3:اكتر حاجه بتحرجك؟
انى أكلم حد وميعبرنيش بس بحسبها انه مش قادر يرد عليا
أو انه تفكيره المحدود هو اللى خلاه ميردش عليا او يعبرنى
أو غرور الجنس البشرى هو اللى خلاه يعمل كدة
يمكن يكون كل ما فى الأمر انه نفضلى وخلاص بس انا بحسبها كدة
عشان فعلا بتحرج أوى من الموضوع ده لو حصل

4:اكتر حاجه ضايقتك فى حياتك؟
فى حاجات كتير جدا ضايقتنى
مش فاكر اكتر حاجة ايه
موت صحبى قدامى ضايقنى جدا طبعا
وحاجات تانية كتير

5:اكتر حاجه بتعجبك فى نفسك واكتر حاجه بتكرها فى نفسك؟
أكتر حاجة بتعجبنى واكتر حاجة بكرها فى نفسى
الطيبة اللى انا فيها وسلامة نيتى

6:الصفه اللى مش فيك وتتمنى تكون فيك؟
انى أعرف اعبر عن اللى جوايا
لأنى مهما بقول مش بقدر أعرف أوصل اللى عايز اقوله زى مانا حاسه بالظبت

7:اكتر لون بتحبه؟
قولت قبل كدة ولا هو افترا فى الأسئلة وخلاص
الأزرق

8:اصعب قرار فى حياتك؟
انا قدامى سفر للأمارات وعرض مغرى بس مش للدرجة
ومحتار بينه وبين شغلى هنا
متهيألى ده أصعب قرار فى حياتى
فى حاجة تانية عايز أقولها
صعب أوى انى اخد قرار فى أى حاجة
بس لو اخدت أستحاله أرجع فيه لو الناس كلها ماتت قدامى

9:احلى فتره فى حياتك؟
وانا صغير ماكنتش واعى على أى مسؤولية ولا اى حاجة كانت فترة حلوة اوى
بس لما وعيت على الدنيا ....أحلى فترة لما وعيت على الدنيا
من يوم ما عرفت فداء

10:ايه اللى نفسك تغيره فى الكون؟
نفسى أأجر المشترى وزوحل أيجار جديد
وامحر كوكب الزهرة وعطارد وابيعهم تمليك
وأعمل كوبرى بين بلوتو ونبتون بدل الكوبرى اللى عملته قبل كدة ووقع
هههههههههههههههههه
الكون زى ماهو جميل جدا ومفيش أروع من النظام اللى ربنا خلقه عليه
بس نفسى النجوم تتكلم وكل واحد يبقى ليه نجمة يكلم معاها ويشكيلها
ويبعتها تبلغ رسالة لحبيبته
وكل اتنين بيحبو بعض يطيرو بالنجمتين بتوعهم للقمر ويحفروا اساميهم عليه
ويبقى عهد بينهم يفضل للأبد ولحاد ما يتنهى الكون كله يفضل اسمهم محفور
ببالغ أنا أوى معلش اتحملى ..انتى اللى سألتى

11:متى يمضى الوقت دون ان تشعر به؟
لما بكون مبسوط
سواء قاعد مع حد بحبه وبيحبنى وبنقضى وقت ممتع
أو......بصراحة لما كنت بشرب مكيفات زمان كان الوقت بيطير صاروخ
من الأخر دايما أى وقت حلو شوفته وحسيته وعيشته جرى بسرعه أوى

12:هل تتلقى النقد بصدر رحب؟
لو نقدتينى فى حاجة هسالك ليه وده أول حاجة هعملها
ومن اجابتك هرد عليكى لحاد ما نوصل لنتيجة من اتنين
يانتى نقدك فيا صح وأكيد هستفاد من نقدك بس أكيد هحاول اخفف من مفهومك ليا فى الموقف اللى نقدتينى فيه لانى ممكن اتحرج
لكن لو طلع نقدك غلط يا ويلك من الكلام اللى هيترصلك مش بقلة أدب طبعا
بأدب وبفخر كدة انى انتصرت فى حديث بينى وبين حد نقدنى فى شىء
أو ممكن بدون كل ده أشرحلك وجهة نظرى فى موقف معين وانتى تكتشفى انك فهمتى غلط
يعنى حاجة زى كدة

13:نقد...لمن توجهه ولماذا؟
أوجهه لنفسى
ليه؟.....لأنى متحمل كل ده وعمال اجاوب على أسئلتك بدون مبرر انا بجاوب ليه لانى بجد مش عايز اجاوب بس بجاوب
حاجة تجن يعنى

14:ما الذى يجعلك تنفجر غضبا؟
لو شوفت ظلم أو حد قوى بيضرب حد ضعيف والضعيف مش قادر يعمل حاجة
ببقى على اخرى ولازم بعمل حاجة أكيد مهما فى ايه
فى مرة كنت خارج انا وماما واخويا واختى ولقيت موقف كدة خليتهم يطولوا قدام وقولت انى هشترى حاجة وهحصلهم
وروحت خليت الولا اللى كان بيضرب يضرب اللى كان بيضربه بالقفا وحزرته انه لو قربله مش هيشوف الدنيا تانى
وشوفت الفرحة فى عين الولا الصغير فرحت اوى

15:تعمل ايه لو طرح عليك سؤال ومش عارف تجاوب عليه وبرضه لازم تجاوب عليه؟
بلوك فى السؤال عشان يمكن أوصل للاجابة لما أكلم وأخلى اللى سال يوضح نقط معينه فيه
بس فى أسئلة علمية مثلا أو معلومات عامة او عملية حسابية معقدة طبعا لو مش عارف الاجابة
مش هجاوب طبعا...هجاوب ازاى يعنى
لو السؤال ده ع النت أكيد هدور فى جوجل أو هسال حد"هستعين بصديق" هههه

16:تعمل ايه لو مضطر تجرح انسان عزيز عليك او جرحته خلاص؟
مقدرش أجرح انسان عزرز عليا
بس لو جرحته او مضطر يبقى اكيد هو عمل حاجة فظيعة معايا
بس محصلش انى جرحت حد عزيز عليا قبل كدة

17:لو حصلك موقف ولازم تختار بين كرامتك وسعاده انسان هتختار ايه؟
ده موقف صعب أوى يا شيرين
طبعا كرامتى فوق كل حاجة
بس لو كرامتى هتضيع قدام مجموعة معينة من الناس والناس دى مش هشوفها تانى قصاد ان فى انسان يبقى سعيد فى حياته بعد ما اعمل كدة أيوة هتنازل
لكن غير كدة معتقدش ان فى حد يتنازل عن كرامته مهما حصل
بس ده موقف صعب برضو واجابتى دى مجرد تفكير لو حصل كدة هعمل ايه
ياعالم لو حصل فعلا ايه اللى هيكون....الله أعلم

18:مين اللى تضحى بحياتك عشانه؟
كل من أخلصلى ورسم على وشى البسمة اللى نابعة من قلبى
ده مش بيحصل كتير واللى يعمل كدة يستاهل روحى أقدمها عشانه

19:؟؟؟؟؟؟؟
يا عينى على الحنية بتاعتك
جيتى على نفسك ليه
أيه الحنان ده كله


اللى بعده

اشكرك على اجاباتك الجامده دى لا بجد بجد استحملت كتير

ربنا يخليكى ليا وميحرمنى منك أبدا

كفايه عليك كده بقى ياعمرو عايزين نستضيف حد تانى
وطبعا عيب صاحبت الموضوع تكون لسه ماتسالتش فهيا اللى هتتسال بقى
هجووووووووووووووووووووووووووم
استعدى يانور